حسام عاشور يهاجم سيد عبدالحفيظ مدير الكرة بالأهلي
فتح حسام عاشور قائد النادي الأهلي المصري السابق النار على مسؤولي الفريق الأحمر، بعد إعلان رحيله عن الفريق وعدم استكمال الموسم.
ومن المقرر أن تنتهي رحلة حسام عاشور مع الأهلي بنهاية الموسم الجاري، بعدما عرض عليه مسؤولو النادي الاعتزال وعدم التجديد.
واتهم عاشور في تصريحات تلفزيونية سيد عبدالحفيظ مدير الكرة بالنادي، وجمال جبر مسؤول المركز الإعلامي بأنهما السبب في توتر علاقته بجماهير النادي والرحيل عن الأهلي.
وقال عاشور: "طلبت من سيد عبد الحفيظ التجديد لعامين، وأكد لي أنه سيتحدث مع محمود الخطيب رئيس النادي، بعدها على طول قالي الخطيب قالي قول لـ عاشور (اللي حسام عايزه هنعملهوله) وربنا يشهد على كده".
وأضاف: "بعد هذا الحديث ذهبت للجلوس مع لجنة التخطيط فوجئت بقولهم لي (فايلر مش عايزك)".
وتابع: "جمال جبر مدير المركز الإعلامي قال لي: المستشار تركي آل الشيخ سيتكفل بمباراة الاعتزال، وبعدها كلمني شخص من طرف المستشار تركي قال لي (طلباتك أوامر)، بعدها تحدثت مع المستشار تركي وقال هعملك مهرجان اعتزال عالمي وهعملك ماتش اعتزال محدش عمله في مصر ولا في العالم".
وأكد عاشور أنه كان من المُخطط أن تُقام مباراة اعتزاله بين الأهلي وألميريا الإسباني.
واستطرد عاشور كلامه قائلا: "اتفقت مع جمال جبر على فيديو أعلن فيه اعتزالي وأشكر كل الناس بعدين قعدت أعمل كل شوية فيديو وابعته للنادي يقولولي "لا فيه مشكلة هنا" واعدّل عليه كل شوية، بعد ما جبت آخري قلت لأستاذ جمال ابعت لي سكريبت وأنا هقول كل اللي انت عايزه".
وواصل: "الأهلي ماطل بشكل عجيب عشان ينزل بيانه، جمال جبر قالي الخطيب حفيده تعب ونزل بيه، بكلم الكابتن الخطيب عشان أفهم لقيته مبيردش عليا كلمت كابتن سيد بعدها قالي اقفل وهكلمك تاني فكلمني بعدها هو وجمال جبر قالي هنهدي، وتاني يوم هعملك فيديو يليق بيك".
https://youtu.be/WwYhmahtnOA
https://youtu.be/yzERPGpBPB4
وشدد عاشور على أنه "فوجئ" بحملة عجيبة عليه بعد خروجه في فيديو قال فيه "شكرا" للمستشار تركي آل الشيخ، قائلا: "المفروض واحد بكلمه بيقولي طلباتك أوامر أطلع أقوله إيه؟ والناس في النادي نفسها لما الراجل ده كان بيعمل معاهم أي حاجة كويسة كانوا بيطلعوا يشكروه".
واختتم عاشور تصريحاته قائلا: "مازلت قادرا على العطاء، لكن البعض لا يرغب في استمراري مع الأهلي، قمت بإعجاز بعدم التسبب في مشكلة واحدة مع الأهلي خلال 16 عاما جلست فيها في النادي أكثر من بيتي، فالأهلي هو صاحب الفضل الأول والأخير لما وصلت إليه وجمهور الأهلي فوق دماغي، لكن ازاي يا كابتن سيد علاقة حسام عاشور بالأهلي انتهت؟ مع احترامي ليك مش أنت اللي تقول كده يا كابتن سيد".
