عضو بمجلس إدارة النادي الأهلي المصري ينفي إعجابه بصورة تركي آل الشيخ مع خالد الدرندلي (صور)

عضو بمجلس إدارة النادي الأهلي المصري ينفي إعجابه بصورة تركي آل الشيخ مع خالد الدرندلي (صور)

المصدر: مصطفى عادل - إرم نيوز

أثار محمد الدماطي، عضو مجلس إدارة النادي الأهلي المصري، الجدل من جديد، عقب المنشور الذي نشره على صفحته الشخصية بموقع التواصل الاجتماعي ”فيسبوك“، والذي اعتذر فيه عن إعجابه بالصورة الأخيرة التي نشرها تركي آل الشيخ مالك نادي بيراميدز.

وكان آل الشيخ نشر صورة جمعته بالإعلامي عمرو أديب وخالد الدرندلي، عضو مجلس إدارة النادي الأهلي، أثارت جدلًا واسعًا وردود فعل غاضبة لدى جماهير القلعة الحمراء.

وكتب الدماطي عبر حسابه الشخصي: ”قمت على مدار شهر بإغلاق صفحتي على فيسبوك وفوجئت اليوم بصورة منسوبة لي أني عملت لايك على بوست من أكتر من شهرين ويومها حد كلمني وكنت طلعت عملت لايك بالغلط فعلًا وشيلتها بعديها بنص ساعة وحتى البوست كان على أغنية باين مش حتى حاجة عن الرياضة“.

وتابع: ”النهاردة كان لازم أفتح تاني عشان أكتب الكلمتين دول مع إن أي حد يعرفني حتى لو من بعيد يعرف كويس أنا موقفي إيه من القصة دي من أول يوم“.

وواصل: ”هسيب الحساب مفتوح للصبح عشان الناس تشوف وهرجع أقفله تاني وبعتذر عن إغلاق الحساب بس كنت وما زلت محتاج فترة من الابتعاد وبعتذر تاني عن إني عملت لايك ولو حتى بالغلط، أي حاجة تزعل أو تمس جمهور الأهلي أبقي أكيد غلطان“.

ثم كتب منشورًا آخر على صفحته قال فيه: ”إضافة أخيرة أنا لا عمري عملت لا لايك ولا فولو للبيدج ولا عمري هعمل، إنما طبيعي بفتح وببص زي أي حد، حصل غلطة معرفش بقى كنت سرحان ولا بالغلط ولا إيه بتحصل وشيلتها بعديها على طول والقصة خلصت“.

وأردف: ”طبعًا مفهوم القصة اتفتحت ليه النهاردة وده موضوع تاني، إنما تاني حتى لو من غير قصد أو بالغلط وحتى لو اللايك قعدت ثانية واحدة فده غلط ويستوجب الاعتذار، تصبحو على خير“.

وكانت صورة تركي آل الشيخ مع خالد الدرندلي أثارت جدلاً واسعاً بين الجماهير المصرية حول إمكانية وجود صلح بين مالك نادي بيراميدز ومجلس إدارة النادي الأهلي.