ميدو: لاعبو الزمالك رفضوا الطواف معي بالعمرة
تحدث أحمد حسام (ميدو)، مدرب الزمالك الأسبق، عن موقف طريف حدث له، عندما كان لاعباً في صفوف الأبيض
.
وقال "ميدو" في تصريحات لقناة الحياة: "أنا رحت عملت عمرة مع لاعبي الزمالك، لما كنت لاعباً، ومكانش فيه حد من اللاعيبة عايز يطوف معايا، مش عارف ليه".
ورد سيف زاهر مقدم البرنامج على "ميدو" قائلاً: "بعد الهوا هبقى أشرحلك ، ربنا يهديك".
من جانبه قال أحمد حسن لاعب الأهلي والزمالك السابق، أنه كان يؤدي عمرة، وتلقى رسالة من "ميدو" يطالبه فيها بالدعاء له.
وأضاف حسن: "قلت لميدو، أنا دعوتي لوحدي متنفعش معاك، إنت عايز السعودية كلها تدعيلك".