صورة .. نيرمين الفقي تدعم أطفال الشوارع

أعلنت الفنانة المصرية نيرمين الفقي عن دعمها لأطفال الشوارع، معلقة "لما تشوف الأطفال دي فى الشارع متخافش منهم ومتعاملهمش وحش مش ذنبهم إنهم يكونوا أطفال شوارع ".

ونشرت صورة مجمعة لأطفال الشوراع، على صفحتها الرسمية عبر موقع الـ"فيسبوك"، معلقة "حاول تبتسم في وشوشهم أو تشتريله ساندوتش وتدهوله او تديله أي لبس قديم مالهوش لازمه عندك أو ساعده باللي تقدر عليه".

وتابعت " لو الأطفال دي حست إنه في ناس بتخاف عليهم مش بتخاف منهم مش هيسرقوا ومش هيعملوا حاجات وحشه ومش هيحقدوا على اليى حاله أفضل منهم".

واختتمت حديثها قائلة "لو مش هتقدر تعمل أي حاجه من كل دا على الأقل إعمل مشاركه للصورة - وصل المبادره دي لكل الناس - يمكن تكون سبب في ابتسامه طفل".

يذكر أن نرمين الفقي عرض لها في شهر رمضان مسلسل "جبل الحلال" الذي يقوم ببطولته النجم الكبير محمود عبد العزيز ووفاء عامر ومي سليم، وهو من تأليف ناصر عبدالرحمن وإخراج عادل أديب.