باسم يوسف يصعّد الهجوم على خالد صلاح بالسب والقذف ‏ – إرم نيوز‬‎

باسم يوسف يصعّد الهجوم على خالد صلاح بالسب والقذف ‏

باسم يوسف يصعّد الهجوم على خالد صلاح بالسب والقذف ‏

المصدر: شيرين الجمال- إرم نيوز

قرر الإعلامي المصري باسم يوسف، تصعيد الهجوم على رئيس تحرير جريدة اليوم السابع، الإعلامي خالد صلاح، من خلال استفتاء عبر صفحته الرسمية على موقع التواصل الاجتماعي ”فيس بوك“ يظهر به خياران، الأول يصف صلاح برأس الأفعى وأما الثاني،  فيصفه بلفظ خادش للحياء العام.

ونشر باسم، نتيجة الاستفتاء عبر صفحته الرسمية، معلقًا ”الْيَوْمَ السابع بعد ثلاثة أيّام من الهجوم المكثف علي، قررت في عدد بكره تلم نفسها، وتوقف الهجوم، واضح إن فيه لسه حد عاقل من اللي مشغلين خالد صلاح، قاله ما يدخلش الجرنال معاه، ومقابل كده خلوا الشغل كله لجان“.

وتابع ”كده اتعشت بالنسبة ليا، شغل اللجان ده أصلًا ما بيفرقش، والناس ما عدتش تاكل منه، ده درس بعد كده لأي مؤسسة إعلامية هيتم استخدامها لأغراض التشهير والتشويه، شكرًا يا جماعة إنكم وريتم الناس دي حجمها، وإن حدودهم مجرد أكونتات فاضية، بلاش يا خالد انت واللي زيك تلعب معايا تاني، و حنفتكرك بالخير دائمًا باسمك، اللعبة خلصت خلاص، وأنا عملت اللي أنا عايزه، ودي نتيجة التصويت النهائي، مبروك يا خالد يا حبيبي“.

وترجع الأزمة إلى شن الإعلامي باسم يوسف، هجوما لاذعا على نظيره خالد صلاح، وذلك في رد على مقال ساخر، نشرته صحيفة ”اليوم السابع“، وصف فيه الأول بـ“أرملة هيلاري“، الأمر الذي وجد صداه سريعا على مواقع التواصل، ليتصدر وسميان بشان الموضوع اهتمامات المصريين على تويتر.

ونشر الإعلامي الساخر، تدوينة عبر صفحته بـ“فيس بوك“، قائلًا ”طيب أنا فرد لوحدي ولا عندي مؤسسة ولا جرنال، ولا حتى برنامج، ويا دوبك حساب تويتر وصفحة فيس بوك، لما ألاقي جرنال معروف علاقاته بأجهزة الدولة ورئيس تحريرها الأمنجي، جايب على الصفحة الأولى وفي داخل الجرنال صورتي مع صور ناس تانيين على إني من أرامل هيلاري، لا وكمان تاني يوم يعمل نفس الحركة، بس المرة دي يسخر الجرنال كله لمهاجمتي، وبيتهمني إني أخذت ٧٠٠ ألف دولار من حملة هيلاري كلينتون، وإني عملت برنامج في أمريكا لحسابها، مش ده تشهير؟ مش دي اتهامات بالعمالة والخيانة وغيرها؟“.

وأضاف ”إحنا بقالنا خمس سنين والأجهزة بتاعة الدولة بترمي اتهاماتها علينا يمين وشمال بصرف النظر عن مين في الحكم، طيب لما كل شوية حد يطلع، يقول عليا خاين، وإني باخد فلوس وتمويل، وإني خدت خمسة ملايين دولار من إم بي سي، عشان أسكت، وخدت أموال من المخابرات الأمريكية، وخدت 700 ألف دولار من حملة كلينتون، وإني اشتغلت في ستانفورد وهارفارد عشان أمريكا بتكافئني، ده انا كده غني أوي بقى“.

وفي رد على باسم يوسف، نشر خالد صلاح تدوينة على الصفحة الرسمية لليوم السابع، بموقع التواصل الاجتماعي ”فيس بوك“، قال فيها ”هذه أسباب المعركة.. نحن اصطدناك بعناية يا باسم، لأننا نعلم أنك رأس الأفعى، نعرف أنك لست مجرد أراجوز جاهل، ولكنك تلعب دورًا محكمًا لضرب شعب مصر وجيشها واقتصادها، ولا نحاربك أنت بل نحارب من وراءك، سخريتك موظفة في سياق التشكيك في جيش مصر، ولم يعد هناك وقت للتعامل مع اللجان الإلكترونية، وترك الأفاعي الكبيرة مثلك تزرع الريبة في قلوب الشباب“.

وتابع صلاح: ”نريد أن يعرف من وراءك بوضوح أنك أصبحت مفضوحًا مكشوفًا، وأن محاولاتك لإثارة الريبة والشك في جيش مصر لا تأثير لها، نسألك يا باسم ونتحداك أن تجيب: ما علاقة الهجوم على الجيش المصري بحرية الرأي والتعبير وتطبيق الديمقراطية“.

للتصحيح أو إبداء أي ملاحظات desk (at) eremnews.com