حرب في مجلس الزمالك (فيديو)
اشتعلت حرب جديدة داخل مجلس إدارة نادي الزمالك، بين مرتضى منصور رئيس النادي، ومصطفى سيف العماري، عضو مجلس الإدارة .
وقال سيف العماري، عضو مجلس إدارة الزمالك الأسبق، ووالد مصطفى، في تصريحات تليفزيونية: "مرتضى منصور حوّل الزمالك لعزبة، وأنا مش هسكت في تجاوزه في حق ابني" .
وأضاف العماري الأب: "اللي هيرش ابني بالماء هرشه بالدم، وأنا يامرتضى مش هسكت، إنت عامل ولادك ولي العهد للنادي ونائب ولي العهد" .
وتابع: "ومسخرت باسم مرسي في كل القنوات، بسبب إنه اتخانق مع ابنك في تونس، مش علشان علاقته بالوايت نايتس".
في نفس السياق، رد أحمد دويدار، مدافع نادي الزمالك، على الهجوم الذي تعرض له، بسبب مساندته وبعض لاعبي الزمالك، لأحمد مرتضى منصور في انتخابات البرلمان، وحضور المؤتمر الانتخابي الخاص به .
وقال دويدار على صفحته بـ"فيس بوك": "بغض النظر عن عزومة حمادة طلبة، اللي هيا مش حلوة أصلا، في ناس محترمة بتبعتلي ملكش دعوة بالدعاية السياسية ومتدخلش السياسة بالكورة، كلامكم صح، بس عيب تقول استغلال لاعيبة الزمالك، إحنا مش صغيرين، حافظوا على الجيل ده بلاش كلام ملوش لازمة" .
وأضاف اللاعب: "من أول رئيس النادي ومجلس الإدارة، مرورا باللاعبين القدامى واللاعبين دلوقتي، لحد أصغر عامل، كلنا إيد واحدة في أي مجال، لازم كلنا نقف مع بعض في أي مجال، سواء فن أو سياسة أو رياضة، نادي الزمالك قوة على أراضي مصرية".
يذكر أن جماهير الزمالك أبدت غضبها، من مشاركة أحمد دويدار ومجموعة من لاعبي الزمالك، في المؤتمر الانتخابي لأحمد مرتضى منصور.
