لاعب الأهلي يهين مرتضى على الفيس بوك
شن سعد سمير، مدافع النادي الأهلي، هجوما حادا على مرتضى منصور رئيس الزمالك، بسبب تطاوله المستمر على مجلس إدارة النادي الأهلي وجماهيره .
وقال سعد سمير عبر حسابه على "فيس بوك": "الدولة تحارب الإرهاب والإرهابيين في سيناء، وفي كل مكان في جمهورية مصر العربية، وده شيء جميل، لكن الأهم من الإرهاب المسلح هو إرهاب الكلمة وتخويف الناس من خلال نفوذك وسلطتك ، لماذا تصمت الدولة أو عاملّه مش سامعة ومش شايفة، هل إنت كمسؤول مجالكش بلاغات سب وقذف وقلة أدب وتهزيق في الناس، لازم تحارب إرهاب الصوت العالي والبلطجة، واللي خايف يروح، ولو إنت كمسؤول على رأسك بطحة أو خايف فكك وأقعد في البيت وكل فيشار، وسبنا إحنا بقي نتعامل مع بعض".
وأضاف اللاعب: "هتضرب هنضرب، هتحرق هنحرق، ومش برجالتنا بإيدينا، وبالحب وبالعقل كده، النادي الأهلي خط أحمر اللي يحاول يضره أو يقلل من حجمه إلى مزبلة التاريخ، وبعدين الأهلي شاغل دماغك ليه، مركز معاه أكتر من أكلك وشربك، سبحان الله، علشان كده النادي ده طول عمره ربنا بيكرمه، النادي الوحيد اللي بعد الثورة فضل محافظ على سمعة الكرة المصرية، وفاز ببطولتين دوري أبطال إفريقيا، وحافظ على نفسه وصنع تاريخ ولازال بيصنع التاريخ".
وتابع سمير: "الأهلي هيفضل كبير غصب عن أي حد، طول ما أولاده موجودين، وإنت خليها تاكلك، وبرضه الأهلي هيفضل كاسر عينك وفوق الجميع".
