لاعب الزمالك السابق يهين "شوبير" بلفظ خارج
شن اللاعب أحمد الميرغني، لاعب وسط الزمالك السابق ووادي دجلة الحالي، هجوماً عنيفاً على الإعلامي أحمد شوبير، بسبب انتقاده له مجدداً، عقب تمنيه الفوز للأفريقي التونسي على حساب الأهلي.
وكتب الميرغني عبر حسابه الشخصي على موقع التواصل الاجتماعي "فيس بوك" قائلاً: "عرفت إن كابتن شوبير جاب سيرتي تاني أول إمبارح تقريباً، بس كان خبيث ومقالش اسمي".
وأضاف: "الموضوع ده طول أوي وبقى بايخ، وأنا إن شاء الله هحاول مردش عليه تاني، ودي آخر حاجة إن شاء الله هكتبها عليه، علشان معنديش وقت أضيعه تاني في كلام أهبل".
وتابع: "بس برضه أحب أشكر كابتن شوبير إنه كان سبب في إني أتسلى في الوقت اللي كنت مصاب فيه، ومكنتش لاقي حاجة أعملها".
ووجه لاعب الزمالك السابق، حديثه إلى شوبير قائلاً: "بس خلاص بقى اشتم، وشوه، وخون، كل ده مش هياكل معايا تاني، ومش هرد، بس برضه هكتب اللي أنا عاوزه، ومحدش ليه عندي حاجة".
واختتم الميرغني تصريحاته ساخراً: "آخر حاجة، كلاكيت تاني مرة نتمنى الفوز للأفريقي التونسي الشقيق .. وخليها تاكلك".
