أعضاء الزمالك يبدأون حملة "تمرد" لطرد مرتضى

بدأ مجموعة من أعضاء نادي الزمالك حملة لسحب الثقة من مرتضى منصور رئيس النادي الأبيض ورحيله عن منصبه.

وأطلق أعضاء النادي على الحملة اسم حملة "تمرد"، وبدأوا في توزيع الاستمارات داخل النادي لتوقيعها من الأعضاء، لسحب الثقة من مرتضى منصور.

وجاءت الحملة بعد وفاة 22 شخصاً من مشجعي الزمالك في محيط ملعب الدفاع الجوي قبل مباراة الفريق الأخيرة أمام إنبي في الدوري المصري.

وأتت استمارة سحب الثقة من مرتضى منصور على النحو التالي:

- علشان دماء الجماهير العظيمة التي أريقت بدون سبب.

- عشان تطاولك على رموز النادي وجماهيره.

- علشان دخلتنا في معارك مع كل أطراف المنظومة الرياضية.

- علشان الإرهاب الذي تمارسه مع أي حد يختلف معاك.

- علشان بتدير النادي بدون خطة أو أدنى علم.

- علشان النادي تحول إلى عزبة ليك ولإبنك.

- علشان عملتنا أضحوكة وسط كل الأندية المحترمة.

- علشان مستقبل ولادنا نعلمهم إن الحق بالمباديء مش بقلة الأدب.