فيديو.. إبراهيم حسن يشن هجوما عنيفا على كريم شحاتة

شن إبراهيم حسن، مدير الكرة بفريق الاتحاد السكندري، هجوما عنيفا على الإعلامي كريم حسن شحاتة، المذيع بقناة "النهار رياضة".

وقال إبراهيم حسن، في تصريحات لمراسل قناة النهار: "قول لكريم صفي قلبك، إنت لسه صغير وبتحمل اسم والدك، وهو رجل تاريخ، وله اسم كبير".

ووجه إبراهيم حديثه لكريم قائلا: "ليه مصمم إن قلبك يبقى إسود، عايزك تبقى صافي النية.. صفي نيتك وقلبك، وخلي قلبك نضيف".

وتابع: "في افتتاح القناة بتاعتك، لما قصدتني جيت معاك بدون مقابل مادي، عشان أساعدك في بداية طريقك".

وأضاف "حسن": "إنت كنت بادىء كويس، ليه بتتحول، متشتغلش عشان حاجة، اشتغل بنية صافية، وبلاش تقعد تكره ده وتهاجم ده وترمي كلام".

يذكر أن مراسل قناة النهار، حاول مقاطعة إبراهيم حسن في منتصف الحوار، ومنعه من إكمال تصريحاته، إلا أن إبراهيم رفض، وأصر على إكمال التصريحات للنهاية.