تعليق صادم من ميدو على تسريب مقطع الفيديو غير اللائق (صور)
علق أحمد حسام ميدو، المدير الفني السابق لنادي وادي دجلة المصري، على مقطع الفيديو الذي تم تسريبه له بصحبة الثلاثي حازم إمام ومجدي عبدالغني وسيف زاهر خلال أستوديو تحليل مباراة مصر والبرتغال الودية.
وكتب ميدو عبر حسابه الشخصي على موقع التدوينات الصغيرة "تويتر": "إمبارح اتسرب فيديو وإحنا قاعدين في الفاصل بنعتذر طبعًا لكل الناس على كل لفظ خارج فيه، وإن شاء الله هنجيب الخائن للأمانة في أسرع وقت ممكن، أكيد مش ذنب أي حد يسمع الألفاظ دي!!".
وأضاف: "أما عن الشباب اللي عايشة الدور ومصدومين من الألفاظ وكده، وكانوا فاكرين إن احنا واحنا بنتكلم مع بعض بنبيع سبح وفوانيس، فبقولهم معلش ما تتخضوش ميدو عمره ما عمل نفسه ملاك، ولا عايز الناس تفتكره ملاك!!".
وتابع ميدو: "كلنا واحنا بينا وبين بعض بنهزر وبنضحك، وأكيد لو أي حد سجل ليك أنت وصحابك في كلام أكتر من كده ممكن يطلع، مرة تانية أوعدكم هنجيب اللي سرب الفيديو ومش هنسيبه!! صباح الفل عليكم".
وخرج الثلاثي مجدي عبدالغني وحازم إمام عضوي مجلس إدارة الاتحاد المصري لكرة القدم وأحمد حسام ميدو المدير الفني السابق لفريق وادي دجلة عن النص في مقطع فيديو مسرب للثلاثي مع الإعلامي سيف زاهر عضو مجلس إدارة اتحاد الكرة قبل تحليل مباراة منتخبي مصر والبرتغال الودية.
وشهد مقطع الفيديو ألفاظًا خارجة من جانب مجدي وميدو مع ضحكات من حازم إمام وسيف زاهر في كواليس الاستوديو التحليلي ظنًا أن الأستوديو لم يتم بثه على الهواء مباشرة بعد.
ولم تبد إدارة قناة "أون سبورت" أو أفراد الاستوديو التحليلي أي رد فعل بخصوص الواقعة التي انتشرت بصورة كبيرة عبر مواقع التواصل الاجتماعي.
ويأتي هذا بعد أن كان الثلاثة ضمن الاستوديو التحليلي لمباراة المصري والبرتغالي في إطار استعادادات المنتخبين للمشاركة في كأس العالم، يشار إلى أن المنتخب البرتغالي قلب تأخره من 1/0 إلى 2/1 بفضل هدفين من النجم كريستيانو رونالدو.
امبارح اتسرب فيديو واحنا قاعدين في الفاصل بنعتذر طبعا لكل الناس على كل لفظ خارج فيه وان شاء الله هنجيب الخائن للامانه في أسرع وقت ممكن ..اكيد مش ذنب اَي حد انه يسمع الألفاظ دي!!
— Mido (@midoahm) ٢٤ مارس، ٢٠١٨
اما عن الشباب اللي عايشه الدور ومصدومين من الألفاظ وكده وكانوا فاكرين ان احنا واحنا بنتكلم مع بعض بنبيع سبح وفوانيس فبقولهم معلش ماتتخضش ميدو عمره ما عمل نفسه ملاك ولا عايز الناس تفتكره ملاك!!
— Mido (@midoahm) ٢٤ مارس، ٢٠١٨
