حمزة نمرة: مستمر في تقديم الفن الحقيقي

أعرب الفنان المصري حمزة نمرة، عن سعادته الكبيرة لردود أفعال جمهوره، عند سماعهم نبأ إيقافه عن الغناء، وشطبه من نقابة المهن الموسيقية، ومساندتهم له ودعمهم، مؤكداً أن هذا الكلام عار تماماً من الصحة، وأنه مستمر في تقديم الفن.

وقال حمزة عبر صفحته الرسمية على موقع التواصل الاجتماعي "فيس بوك": "أنا بشكر كل حد وقف جنبي في اللي حصل ده.. مفيش حاجة هتقدر تعبر عن حبي ليكم يا جدعان.. أنا ربنا كرمني بيكم ويارب دايماً أفضل عند حسن ظنكم.. وكل واحد رغم اختلافه معايا ممنعوش الاختلاف إنه ينصفني..أنتم على راسي من فوق والله".

وأضاف: "وأشكر أ/مصطفى كامل، لتوضيحه موقف النقابة.. وده أفضل رد ع الكلام العجيب اللي اتقال عني الأيام اللي فاتت، اللي مالوش أي أساس من الصحة".

وتابع النجم الشاب قائلاً: "وربنا يعلم أنا عمري ما غلطت في حق حد ولا أسأت لحد.. حتى لو حد ظلمني بسكت، ومبدخلش في أي سجالات أو معارك، لأن دي طبيعتي.. اللي هيبقى للإنسان هو السمعة الحسنة..ربنا يكتبها لنا جميعاً".

واختتم حديثه قائلاً: "وأخيراً..أنا مستمر في تقديم الفن اللي أنا بحبه.. ومستمر في تقديم الحفلات.. وأشوفكم الحفلة الجاية والله أعلم".