شريف منير يفتح النار على معارضي السيسي

أعرب الفنان شريف منير عن استيائه من تصريحات بعض الأشخاص الذين يهاجمون الرئيس عبد الفتاح السيسي والجيش والشرطة في هذا التوقيت الحرج التي تمر به مصر .

وكتب النجم المصري عبر صفحته الرسمية على موقع "فيسبوك" : "ياريت اللي عايز ينقد قيادة مصر وجيشها و شرطتها ... يسأل نفسه بينه وبين نفسه وضميره قدام ربنا ..هو إيه هدفه بالضبط".

وتساءل منير " هل هدفه مصلحة مصر وعايزها أحسن بدون أي مصلحة شخصية ولا ربح شخصي .. طيب إذا كان كده .. مش يفكر إيه الأسلوب والكلام المناسب للنقد بحيث أنه مايزودش التشكيك والقلق والفتنة بين الشعب وقيادته".

وأضاف "ومش يفكر هل مصلحة البلد حاليا محتاجة إننا نقعد ننقد ونتشنج ونتفلسف والإرهاب حوالينا من كل ناحية .. والبلد بقالها أكتر من تلات سنين اقتصادها ودخلها ونموها في تراجع ويادوب بنحاول نصلح .. وفعلا حاسين ببداية تحسن .. ومش نشوف هل نقدنا حاليا يفيد ولا يكسر ويخرب ويهدم ".

واختتم شريف منير حديثه ، قائلا " هل نتكلم دلوقتي ولا نستنى لما نعدي الأزمة وبعدين نتكلم ونتحاسب .. هو مش لكل حادث مقال وكل وقت وله أذان .. والعاقل الأمين المخلص الوطني هو اللي يعرف امتى يتكلم وامتى يسكت ..مش كده ولا اااااااااااااايه ؟؟".