ابتكار جديد يذكّر المرضى بمواعيد الدواء

إن من أهم عوامل نجاح العلاج في أي مرض ما، هو أخذ الدواء بمواعيده المحددة التي يصفها الطبيب المختص، ويعتبر نسيان أي جرعة من جرعات الأدوية يقلل من فعالية العلاج ويحد من الوصول إلى النتائج المطلوبة ، ولهذا السبب ابتكر طلاب مدرسة في مدينة طرابلس اللبنانية علبة دواء "ذكية" أُطلق عليها "ريمنداك" تساعد الناس على تناول الدواء في الوقت المحدد.

وقالت آية قصقص إحدى التلاميذ المشاركين بالمشروع "المنتج" إللي طلعنا في اسمه ريمنداكس هو عبارة عن علبة بيذكر العالم بالأدوية اللي بياخدو عاكتر من برنامج واحد حسب وقت الادوية.. نحن أول شي صنعنا 7 منتجات بس لما لقينا في طلب بالمجمتع عملنا 17 و زدنا 10."

وأضافت "ريمنداكس بتعيرو على سبعة أيام بالأسبوع 4 مرات بالنهار .. صبح ضهر عشية وقبل النوم هو صديق للبيئة لانه منه عالبطارية هو على الشحن في بقلبو للطريقة الكفيفة اللي هو للمكفوفين اللي ما بيشوفوا مشان كمان ياخدو أدويتن صحيح."

وياسمين كبارة هي مسؤولة قسم الحياة المدرسية في مدرسة العزم.

وتقول كبارة "انطلاقاً من توجه المدرسة "قادة للوطن" التحدي الكبير لمدرسة العزم إنه تحضر جيل قادر يخلق تغيير بقلب المستقبل فكرمال هيك نحن كنا عم نشتغل إنه نحضر أشخاص قياديين يقدروا يخلقوا نقطة مفارقة بقلب مجتمعن فكان هيدا الشي من خلال تدريب طلابنا.. من هني وموجودين بقلب المدارس حتى انو يكونو رواد أعمال حتى بمجال الاتصال."

ومنى مصاول إحدى التلاميذ المشاركين بالمشروع .

وقالت "فكرتنا بلشت هي بحلم مشان نطور المجتمع ونحل المشاكل إللي عم يعاني منها مجتمعنا لأن نحن صرنا بعصر.. عم نعاني من مشكلة النسيان.. وفي شريحة كبيرة منسية.. هني الكبار بالعمر اللي عم ينسو أدويتن.. فنحن كطلاب.. 12 تلميذ اجتمعنا مع بعض وأسسنا شركة تكنولوجيا العلبة المفكرة."

ويأمل الفريق المكون من 12 طالبًا، في إضافة بعض الخصائص التصميمية الإضافية مثل إضافة مساحات مختلفة لتتناسب مع أنواع مختلفة من الأدوية.