مي كساب عن حبس زوجها أوكا: بسبب سذاجته وتعليمه المتواضع الضحل (صورة) – إرم نيوز‬‎

مي كساب عن حبس زوجها أوكا: بسبب سذاجته وتعليمه المتواضع الضحل (صورة)

مي كساب عن حبس زوجها أوكا: بسبب سذاجته وتعليمه المتواضع الضحل (صورة)

المصدر: القاهرة – إرم نيوز

تواصل الفنانة المصرية مي كساب بث الرسائل حول قضية زوجها ”اوكا“ وصديقه ”اورتيجا“ عبر صفحاتها الرسمية على مواقع التواصل الاجتماعي، حيث خرجت من جديد موجهة رسالة مطولة عبر صفحتها ”انستغرام“، توضح من خلالها حقيقة اعتقال الفنانين ”اوكا واورتيجا“ من قبل الأمن.

وعلقت ”كساب“ على رسم لأوكا واورتيجا نشرته على ”انستغرام“ بالقول إن ”أوكا وأورتيجا مظلومان“، وإنها تعيش منذ فترة حالة نفسية صعبة خاصة بعد وفاة والدتها بعد صراعها مع مرض السرطان، إضافة إلى ظروف أخرى.

ورأت أن ورطة زوجها ”أوكا“ إثر تزويره مع صديقه أوراقا للتهرب من التجنيد، سببها أنه ”طيب وساذج وتعليمه متواضع“ وهو ما أوقعه ضحية محتالين.

وكتبت مي في رسالتها: ”كل اللي يعرفني من قريب يعرف كويس أني عمري ما كرهت حد ولا عمري اذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام واستحملت ظلم كتير واضطهاد ومحسوبيات وكنت طول الوقت باصبر نفسي بكلام ابويا الجميل اللي رباني علي القناعه كان دايما يقولي انتي عامله زي عسكري في الجيش كل شويه بيترقي بجهده وتعبه ويتنقل من سلاح لسلاح انا مريت بظروف صعبه كتير في حياتي بس للأسف بقالي 4 سنين مش باشوف يومين حلوين علي بعض انا باعيش اقسي ايام حياتي من يوم ١/١٢/٢٠١٢ يوم ما اكتشفت ان امي عندها السرطان وانا مش مي انا واحده تايهه مش لاقيه نفسها موت امي كسرني ومن بعدها احداث كتير قوي وجعتني القريبين مني عارفين انا استحملت حاجات صعبه كتير اد ايه السنين اللي فاتت بس الصراحه ده اصعب موقف اتحطيت فيه من يوم ما اتولدت مش عشان ده جوزي وحب عمري وإحساسي بعدم وجوده جمبي كان روحي متاخده من جسمي لا عشان متاكده انه مظلوم متاكده انه ضحيه طيبته وسذاجته وللاسف ضحيه تعليمه المتواضع الضحل ضحيه ثقته الزياده عن اللزوم في اي شخص يقرب منه ويضحك عليه ويقوله انا هاعملك ويوعده وعود كدابه وفي الاخر يستغله ويورطه طبعا لما باتكلم عن محمد كأني باتكلم عن احمد كمان #اوكا_واورتيجا روح واحده في جسدين ثقتي في رب العالمين كبيره جدا انه هينصرهم ويفك كربهم ثقتي في عداله القضاء العسكري كبيره انه مش هيظلمهم ثقتي في قلوبكم الرحيمه كبيره إنكم هتقفو جمبهم ادعولهم وادعموهم اقسم بالله العلي العظيم“.

https://www.instagram.com/p/BSX5tNBDff-/?taken-by=maiikassabofficial

للتصحيح أو إبداء أي ملاحظات desk (at) eremnews.com