درة تدافع عن مشاهدها الجريئة

ردت الفنانة التونسية، درة، على اتهام إحدى متابعاتها لها عبر صفحتها الرسمية على موقع التواصل الاجتماعي "فيسبوك"، بأنها غير محترمة، بسبب مشاهدها الجرئية في فيلم "دار الناس"، موضحة أن هذا الفيلم مر عليه 10 سنوات، كما أن المشاهد الموجودة فيه ليست جريئة.

وقامت إحدى متابعاتها بمهاجمتها، قائلة: "عايزة أقولك يا أستاذة إني شفت مشهد ليكي على يوتيوب في فيلم تونسي كنتي جريئة جداً، وانا اللي كنت فاكراكي محترمة ده انتي قولتي في برنامج الحريم أسرار عن الاحترام وإن البنات مينفعش تلبس مايوه، لكن أنت كدابة ومش محترمة، مع الأسف كل الفنانين مش محترمين أكيد خارج الشاشة في بلاوي".

وهو مادفع درة للرد قائلة: "عيب الكلام ده أنا محترمة والاحترام مش لبس بس، وأنا مش كدابة ومقلتش البنات مينفعش تلبس إيه دي حرية شخصية، وفيلم دار الناس فيلم عادي اتعرض على الشاشات وكان في بدايتي، من أكتر من عشر سنوات يعني من زمان".

وتابعت: "كانت طبيعة الدور كده، وممثلات كتير من كل الأجيال قدمن مثله، وأجرأ بكثير كمان، ولكن أنا كل الكلام اللي بقولو دلوقتي حقيقي، وبختار أدواري كويس، ومسحمش لحد يقول مش محترمة على صفحتي".