لقاء الخميسي توجّه رسالة قاسية إلى منتقديها (صورة)
وجّهت الفنانة المصرية، لقاء الخميسي، رسالة قاسية إلى منتقديها بأسلوب اعتبرته كرهًا لشخصيتها، معربة عن استيائها الشديد من التعليقات "الخارجة أو المسيئة" التي يكتبها بعض منتقديها بغلظ.
وكتبت الخميسي، عبر صفحتها الرسمية على موقع التواصل الاجتماعي "فيسبوك": "هو احنا ليه قاسيين وبنجرح كدا؟! ليه آرائنا قاسية وبتوجع!!! الممثل بيشتغل علشان بيحب الفن وبيحب جمهوره وأي كلمة حلوة بتبسطه وتسعده؛ لأن شغلته هي إسعاد الجمهور، وبالتالي حب الجمهور هو ضلع أساسي في حياة أي فنان".
وأسهبت بلهجة مليئة بالحرقة: "أنا اللي اتعلمته أني لو حبيت بني آدم هاقوله ولما ماحبتوش مش بأجرحه ومَش بأكرهه لأن الكره مَش من صفات الإنسان السوي.. كل اللي باعمله أني باتجنب وجوده في حياتي. الفنان بني آدم عنده عيلة وناس وأهل وأولاد، مافيش داعي للتجريح! الصفحة دي معمولة لأجل عيون اللي بأحبهم وبيحبوني بس!".
واختتمت رسالتها، قائلة: "اللي مَش حاببني مالوش وجود هنا ومافيش داعي للتجريح والإهانة، لأن مافيش أسهل منها. بس في الآخر ماهيش أخلاق ولا ذوق. واللي مَش حاببني مايدخلش عندي ومايتفرجش ومايعلقش.. ببساطة مايدخلش عند حد مش بيحبه! ولا إيه رأيكم؟!".
