منوعات

رشا سامي العدل تنعى والدها في ذكرى وفاته (صور)
تاريخ النشر: 11 يوليو 2016 18:28 GMT
تاريخ التحديث: 11 يوليو 2016 19:24 GMT

رشا سامي العدل تنعى والدها في ذكرى وفاته (صور)

ابنة الفنان الراحل عبرت عن اشتياقها لوالدها وقالت: "كان نفسي تكون معايا دلوقتي وتشوف ولادك وأحفادك ها تكون فخور بيهم أوي".

+A -A
المصدر: متابعات - إرم نيوز

كتبت رشا سامي العدل كلمات مؤثرة لوالدها الفنان سامي العدل في ذكرى رحيله الأولى، معلنة فيها عن اشتياقها له وإنها تفتقده بشدة عبر حسابها الشخصي على ”فيسبوك”.

وقالت رشا في رسالتها: ”وحشتني رسايلك ليا لما كنت بغيب عنك أو أسافر وحشني هزارنا مع بعض ودلعنا لبعض وكمان لما كنا نناقر في بعض ونغلس على بعض وحشني لما كنت بعاملك على انك ابني وأخدك في حضني وحشني حضنك ولمسة أيدك على كتفي وأنت بتضمني ليك وتحسسني بأمان وإن الدنيا بخير وحشتني ملامحك ووحشني الطفل اللي جواك وحشني زعيقك وشخطك فينا وحشني صوتك اللي كنت لما اسمعه من تلفزيون وأنا في أي مكان اتخض وابص ورايا وحشتني ضحكتك ونكتك وحشني حسك اللي كان مالي عليا دنيتي“.

وأضافت: ”ما قدرتش أتفرج على مسلسلات رمضان السنة دي ولا أجي جمب التلفزيون، أصل أنت ما كنتش فيهم وأنا أتعودت يا نتفرج سوا يا تكلمني تسألني رأيي وأتعودت أول يوم رمضان وكل عزومة فيه نتفرج كلنا معاك لما بيكون ميعاد عرض مسلسل ليك بعد الفطار.. ممكن الناس تنساك أو تتناساك بس أنا عمري ما ها قدر انسى روحي اللي سبب حياتي دلوقتي“.

وتابعت: ”كان نفسي تكون معايا دلوقتي وتشوف ولادك وأحفادك ها تكون فخور بيهم أوي كل واحد من بعدك قرر يغير أسلوب حياته ويثبت إن اللي خلف ما راح.. يا رب تكون بتنعم بالجنة وشايفنا ومبسوط بينا“.

Untitled

bd5e0792204057b6a0f1d7e30a664c40e4faa27d-110716121013

حمل تطبيق إرم نيوز على هاتفك