تامر حسني يوجّه رسالة إلى جمهوره (صورة)
أعرب النجم المصري تامر حسني، عن سعادته البالغة، بردود الفعل الإيجابية على بوستر ألبومه الجديد "عمري ابتدى"، معلقًا "في الحقيقة كنت هكتب الكلام ده يوم إصدار الألبوم، لكن اللي شوفته من ردود أفعالكم على الصورة خلاني أحس إني نزلت الألبوم، والأهم خلاني أحس بحالة حب جميلة من ناس أجمل".
وكتب عبر صفحته الرسمية على موقع التواصل الاجتماعي "فيسبوك": "والله فرحان بجد بيكو من كل قلبي، شكراً لكل الناس الجميلة اللي روحها طيبة، اللي باركتلي على صورة الألبوم بجد، ربنا يفرحكوا، زي مافرحتوني بكلامكو وأوعدكوا بألبوم مختلف إن شاء الله، فيه مجهود غير طبيعي، وهتحسوا ده بنفسكو من أول أغنية لآخر أغنية، من حيث الكلمات والألحان والتوزيع والغناء والتطوير والجودة".
وتابع " شكراً لكل الفنانين الكبار المحترمين اللي صنعوا الألبوم، وعشان كده أنا هحرقلكم حاجة، أنا جوه الغلاف كاتب جملة خاصة على صورة كبيرة، الجملة دي بهديها لكل حد حبني وصدق موهبتي من أول ما طلعت أو حتى مؤخراً".
واختتم نجم الجيل حديثه "والله كل كلمة طيبة بشوفها عني مكتوبة منكم، بتأثر فيا بجد، الجمله هي (شكراً إنك في حياتي) وزي ما انتو غاليين عندي كده، أنا واثق إن كل حد فيكم عنده في حياته حد نفسه يقوله (شكراً إنك في حياتي)، أنا عن نفسي الحد ده هو انتو".
