علياء عساف تكشف أسباب انفصالها عن زوجها بعد 4 أشهر (صورة)

كشفت الفنانة المصرية علياء عساف، أسباب انفصالها عن زوجها، بعد زواج استمر 4 أشهر فقط، موضحة أنها تعرضت للخداع، ولم يكن هو الرجل المناسب لها.

ووجهت علياء، نصيحة إلى الفتيات، عبر صفحتها الرسمية على موقع التواصل الاجتماعي "فيس بوك"، قائلة: "متتجوزيش اللي يكدب عليك ويخدعك ويبينلك أحلام مش حقيقية، متتجوزيش اللي عايش لنفسه ولراحته مش عايش ليك، متتجوزيش اللي مايبقاش عايز يشوفك أحسن واحدة في الدنيا، وعايز يهدك ويهد طموحك، وكل ما تنجحي يكره نجاحك".

وأضافت: "متتجوزيش اللي يوم ما تحسي إنك مش عايزة تكملي معاه ينزلك من غير هدومك وأي حاجة بتاعتك، بحجة إنك جرحتي كرامته لما طلبتي الطلاق".

واختتمت النجمة الشابة حديثها: "ولو مش هتتجوزي اللي يخليكي أسعد واحدة في الدنيا، متتجوزيش، اتجوزي اللي يرفعك مش اللي ينزل منك، متتسرعوش ومتخدوش بالمظاهر".