ريهام حجاج تكشف سر انسحابها من عرض ”كرم الكينج“

ريهام حجاج تكشف سر انسحابها من عرض ”كرم الكينج“

المصدر: القاهرة- من شيرين الجمال

نفت ريهام حجاج، ما نشرته بعض وسائل الإعلام بشأن انسحابها من العرض الخاص لفيلمها الجديد ”كرم الكينج“ بسبب غرورها وتعاليها، مؤكدة أن حالتها الصحية السيئة هي التي دفعتها للانسحاب.

وكتبت، الفنانة الشابة عبر صفحتها الرسمية على موقع ”الفيس بوك: ”اللي حصل امبارح في العرض الخاص لفيلم (كرم الكينج)، إن أنا كنت في حالة صحية صعبة جدا، ورغم كده كان لازم آجي أحضر العرض مع زملائي، وحاولت استجمع قوتي وأسجل مع مراسلي القنوات التلفزيونية الموجودة“.

وأضافت: ”لكن للأسف حصل تدافع بينهم وتحول لمشاجرة أمام عيني، ومن غير أي انهيار وبمنتهي الأدب، اعتذرت عن التسجيل لأن حالتي والموقف وقلة التنظيم لم تسمح لي بالكلام“.

وأوضحت ريهام حجاج: ”حاولت حضور الفيلم فوجدت القاعة ممتلئة بالكامل، وفعلا مكنتش أقدر أكمل من غير ما أقعد، فقررت أرتاح في مكان لحد ما أبقى أحسن وأقدر أروح، صحيت الصبح لقيت أكتر من موقع كاتبين إني تعاليت علي فيلمي ومحضرتوش للآخر، في حين إن السبب حالتي الصحية“.

ووجهت رسالة إلى وسائل الإعلام ، قائلة ”أنا بس باطلب من أي حد قال عليا كده يتفرج على الفيديو ويحكم ضميره، ويفكر يعني إيه تبقى طالع من المستشفى ومش قادر تقف لكن بتحاول تتعامل مع الناس باحترام، وأتمنى من الصحف والمواقع يحاولوا بس يتفهموا الظروف الصعبة اللي ممكن الإنسان يمر بيها.. مش بنطلب منكم أي تلميع بالكذب، بس كمان حرام يبقى ثمن سمعة الإنسان شوية زيارات من ناس عايزة تقرأ المشاكل والفضائح“.

للتصحيح أو إبداء أي ملاحظات desk (at) eremnews.com

مواد مقترحة