ابنة سعيد صالح ترفض اتهام زملاء والدها بالجحود
ابنة سعيد صالح ترفض اتهام زملاء والدها بالجحودابنة سعيد صالح ترفض اتهام زملاء والدها بالجحود

ابنة سعيد صالح ترفض اتهام زملاء والدها بالجحود

رفضت هند ابنة الفنان سعيد صالح اتهام بعض وسائل الإعلام للفنانين بالجحود، بسبب عدم حضورهم تشييع جثمان والدها في مسقط رأسه بإحدى قرى محافظة المنوفية .

وقالت هند سعيد صالح عبر صفحتها الشخصية على موقع التواصل الاجتماعي "فيس بوك" : "بعد إذنكم أنا باطلب من كل اللي فكر و قرر إن الفنانين ماعندهمش أصل وعندهم جحود عشان محدش جه جنازة بابا .. بدل ما يشغل نفسه بده يشغل نفسه بالدعاء ليه .. أفيد له لأنه محتاج ده .. لحظة ما سعيد صالح توفى أنا اللي قررت سرعة الدفن .. لأن إكرام الميت دفنه .. و لأن بابا كان موصي إنه يدفن في مسقط رأسه في المنوفية .. ولأن كان عندي سفر ساعتين عشان أصل للمقابر .. ولأني كنت عايزة ألحق نور ربنا .. ولأن حاجات كتير مش مضطرة أشرحها .. باختصار أولوياتي أدفن أب توفي .. مش فنان توفي".

وأضافت هند : "طبعا أنا عارفة إن مصر كلها حزينة عليه وده على رأسي .. بس ده مش سبب لاتهام حد بالجحود .. الفنانين دول أهلي نمرة 2 .. و محدش سابني .. وعلى ما الناس عرفت كنت أنا سافرت .. واهتمامي الأول والأخير كان بسرعة دفنه.. و بدل ما كان 1000 واحد هيمشي فى جنازته في القاهرة لقيت محافظة المنوفية كلها في جنازته هناك .. واللي هنا واللي هناك عند ربنا واحد في الأجر والثواب.. فلو سمحتوا ادعوا له بس هو محتاج ده ولا حاجة غير ده .. و من فضلكم كمان مرة محتاجة أحزن على أبويا في سلام مش في مهاترات لا هتودي ولا هتجيب .. لأنه هو أصلا في حتة تانية خالص.. والعزاء إن شاء الله الثلاثاء في مسجد عمر مكرم" .

الأكثر قراءة

No stories found.


logo
إرم نيوز
www.eremnews.com