أحمد حلمي يوضح حقيقة سخريته من محمد رمضان
أوضح النجم المصري أحمد حلمي حقيقة سخريته من الفنان محمد رمضان، لتباهيه بشرائه سيارتين فارهتين، مبيناً أنه لم يكن يقصد إهانة الأخير من خلال المنشور الذي نشره عبر صفحته الرسمية على موقع "فيسبوك".
وأضاف حلمي :"أعزائي الكرام .. توضيح بسيط وسريع بخصوص ما حدث بعد نشر الصورة بتاعتي وأنا راكب العربية الميني القديمة اللي كانت معايا في فيلم ظرف طارق .. واللي الناس فهمت إنها بغرض توجيه رسالة لزميلي الفنان محمد رمضان، وهذا ما أحزنني كثيرا".
وتابع : "يا جماعة أنا لو عايز أوجه رسالة لأي حد أعرفه كويس أو حتى معرفوش، مش هعمل كده على مواقع التواصل الاجتماعي .. لأني عمري ما عملت كده أبدا، لأني ببساطة، ممكن ابعتله رسالة على موبايله أو أكلمه في التليفون".
وواصل النجم المصري حديثه قائلا: "أما الكلام اللي كان مكتوبا تحت الصورة، اللي كتير من الناس معرفش ازااااااااي بجد فسروه بالطريقة دي، مع إنه فعلا ما يخصش حد خالص غير واحد صاحبي هو الوحيد اللي هايفهمه، لإني قايله بسبب موقف طريف حصل معانا وليه علاقة بالعربية الميني .. علشان كده نهيت الكلام المكتوب بـ"ده كلام في سرك ..... ششش".
ووجه رسالة إلى زميله الفنان محمد رمضان، قائلا "زميلي العزيز محمد رمضان.. ربنا معاك ويوفقك دايما وتحقق كل اللي نفسك فيه في حياتك الفنية".