فيديو.. أحمد أدم يروي مناظرة ساخرة بين مؤيد للإخوان ومؤيد للجيش

المصدر: القاهرة- (خاص) من محمود صبري

روى الفنان الكوميدي أحمد آدم، حوارا قال إنه سمعه بين مؤيد للإخوان ومؤيد للجيش، قائلا: “مرة كنت أنا وواحد صاحبي، سمعنا مناقشة سياسية بين ولدين لا يتعدى عمرهما 16 سنة، واحد فيهم مع الإخوان أو المصالحة، والتاني مع رأي الأغلبية، فالأول قال للثاني هو أنت رافض الصلح ليه.. أنت فاشي، فرد عليه الأخير قاله: أيوه أنا فاشي ومفيش صلح”.

وتابع آدم خلال أولى حلقات برنامجه “بني آدم شو”، الذي يذاع على قناة “الحياة” الفضائية: “فقاله رفضك ده معنا أنك مش ديمقراطي، فرد عليه وقاله آه أنا ديكتاتور، فقاله كده بقى شكلك بتحب الجيش وبتحب السيسي، فقاله أه أه أنا بحي الجيش وبطبل للسيسي هو ده الي مضايقك، فرد عليه: قولي كده بقى ده أنت مع عبيد البيادة، فرد الأخير: أيوه أنا من عبيد البيادة والجيش جزمته فوق دماغي”.

وأضاف: “ثم وجه مؤيد الجيش سؤال للإخواني قائلا: هو أنت إيه ببغان بتردد كلام أنت مش فاهم معناه، هو إحنا جايبين جيش من ماليزيا، هو الجيش ده مش اخويا وأخوك، هو أنت مش ليك أخ في الجيش، فقاله آه، فرد عليه قائلا: طب وإيه يعني لما أقولك إن جزمة أخوك فوق دماغي، إيه اللي مزعل أمك في الموضوع ده”.

للتصحيح أو إبداء أي ملاحظات:desk (at) eremnews.com
تاريخ النشر
تاريخ التحديث